Hozirda raqamli dunyoda yashayotganimiz sababli axborot almashuvi asosan elektron tarzda yuz beryapti. Bir qurilmadan ikkinchi qurilmaga axborot o’tkazish lozim. Axborotning hajmi m megabayt. Axborot yetkazish soniyasiga k kilobaytni tashkil etadi. Axborotni arxivlash orqali hajmini kichraytirish mumkin. Axborotni arxivlash uchun s soniya kerak bo’ladi va arxivlangandan so’ng l megabayt hajmda bo’lib qoladi. Sizning vazifangiz axborotni bir qurilmadan ikkinchisiga minimal vaqtda yetkazib berishdan iborat.

Kiruvchi ma’lumotlar: Birinchi qatorda 4 ta natural son beriladi m, k, s, l (1 <= m, k, s, l <= 1024).

Chiquvchi ma’lumotlar: Yagona qatorda butun son, masala yechimini soniyalarda chiqaring.